Víkingur fremst í fremstu deildini

Víkingur er nýtt oddalið í Betri-deildini hjá monnum.

Víkingur vann í gjár 3-1 á heimavølli móti TB. Adeshina Lawall og Dion Splidt løgdu Víking á odda, Ivan Ivanovic minkaði um munin fyri TB, men Gunnar Vatnhamar staðfesti sigurin hjá Víkingum.

Fríggjakvøldið vann Skála á EB/Streymi á Eiði, og HB vann 5-0 móti AB í Gundadali.

Við hesum hevur Víkingur ota seg fram um NSÍ og KÍ og er á odda fyri 35 stigum fyri 15 dystir. NSÍ og KÍ hava 32 stig við einum dysti færri, B36 hevur 31 stig, somuleiðis fyri 14 dystir, og HB hevur nú 30 stig.