Alsamt fleiri útlendingar keypa jørð í Íslandi

Tað skrivar føroyska sendistovan í Íslandi. Ráðharrin vísir á, at Ísland eigur at kanna, hvussu Noreg og Danmark hava lóggivið um hetta.

Uppskot hava verið frammi um, at jarðareigarar skulu hava skyldu til, at hava fastan bústað á ognini. Hetta kemur millum annað fram í frágreiðing frá august í fjør. Sigurður Ingi heldur, at íslendska stjórnin eigur, at fara so langt, sum til ber.

Katrín Jakobsdóttir, forsætisráðharri, er sannførd um, at breiður politiskur vilji er fyri, at fáa strangari reglur á hesum øki, eins og í fleiri av grannalondunum. Slakur triðingur av allari jørð í Íslandi er ogn hjá fyritøkum.

Upplýsingar um tjóðskapin, hjá eigarunum av hesum fyritøkum, eru ikki tøkir. Tí ber ikki til at siga, hvussu stórur partur av íslendsku jørðini er ogn hjá útlendingum, skrivar føroyska sendistovan í Íslandi.