Leggja trýst á Boris Johnson

Bretska dagblaðið The Independent skrivar, at evropeisku leiðararnir hava givið Boris Johnson, forsætisráðharra, 12 dagar at koma við einum uppskoti um eina Brexit-avtalu.

Ger hann ikki tað, noyðist Bretland at fara burtur úr ES við ongari avtalu.

Evstamarkið varð sett á einum fundi í París í gjár millum franska forsetan, Emmanuel Macron, og finska forsætisráðharran, Antti Rinne, sum í løtuni stendur á odda fyri ES.

Stúra fyri gongdini

– Vit stúra fyri gongdini í Bretlandi í løtuni, tí har valdar ruðuleiki, sigur finski forsætisráðharrin, Antti Rinne.

Toppfundur verður í ES um ein mánað, og tá verður Brexit aftur ovast á breddanum.

– Koma bretar ikki við uppskotum, eri eg vísur í, at fleiri evropeiskir leiðarar fara at taka undir við Macron. So er liðugt, segði Antti Rinne.