Verjan sleppur framvegis at brúka floghavnina

Verjan sleppur framvegis at brúka floghavnina
Floghavnin í Kangerlussuaq í Grønlandi verður ikki niðurløgd hóast floghavnirnar í Nuuk og Ilullisat verða bygdar út til at verða altjóða floghavnir
Grønlendskir og danskir myndugleikar hava skrivað undir eina avtalu um, at danska verjan framvegis skal nýta floghavnina í Kangerlussuaq
Mynd: Wikimedia Commons  
 
19.09.2019 - 10:59

Grønlendskir og danskir myndugleikar hava skrivað undir eina avtalu um, at danska verjan framvegis skal nýta floghavnina, sum eisini kann brúkast til sivila loftferðslu.

Danska verjan skal umvæla floghavnina í Kangerlussuaq, reka og halda hana viðlíka, stendur í avtaluni. Verjumálaráðið hevur síðani í februar greinað tørvin í Kangerlussuaq í sambandi við Arktis. 

Floghavnin má umvælast

Veðrið í Kangerlussuaq er yvirhøvur støðugt, og tað hevur týdning fyri flogførini hjá verjuni, sum ofta eru minni enn sivilu flogførini. 

Tine Bramsen, verjumálaráðharri, sum skrivaði undir avtaluna fyri Danmark, veit ikki, hvussu nógv tað fer at kosta at umvæla floghavnina. Tað skal kannast nærri, sigur hon.

Semja er um, at grønlendskir myndugleikar framvegis skulu eiga floghavnina í Kangerlussuaq. Umleið 500 fólk búgva í Kangerlussuaq.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585