Mælir frá skattalætta

23.10.2019 - 15:18
AktueltVinna
Mælir frá skattalætta
Arbeiðsgevarafelagið mælir frá at leggja uppskotið um skattalætta og strika meirvírðisgjald hjá teimum, sum fáast við heimavirki, fyri tingið
Kappingin millum heimavirkisvirksemi  sum ítriv og vinnuligar fyritøkur verður ov ójøvn, um tey, sum virka heima, sleppa undan meirvirðisgjaldi og fáa skattalætta, heldur Føroya arbeiðsgevarafelag
 

Føroya arbeiðsgevarafelag mælir landsstýrinum frá at leggja uppskotið um skattalætta og strika meirvírðisgjald hjá teimum, sum fáast við heimavirki, fyri løgtingið.

Felagið sigur, at kappingin millum heimavirkisvirksemi sum ítriv og vinnuligar fyritøkur verður ov ójøvn, um tey, sum virka heima, sleppa undan meirvirðisgjaldi og fáa skattalætta.

 >> SÍ EISINI Heimavirkisvirkisfelagið fegnast um uppskotið

Føroya arbeiðsgevarafelag mælir til, at skattur og avgjøld eru tey somu hjá báðum pørtum. Fólkaflokkurin hevur nakrar ferðir roynt seg við hesum uppskoti.

Men tað hevur ikki vunnið frama í løgtinginum. Nú flokkurin er í landsstýrinum, og hevur landsstýrismannin í fíggjarmálum, roynir hann aftur.

Sakna eina allýsing

Vinnugreinin, sum eitur sniðgeving og virking av vørum, mótmælir uppskotinum, tí tað er kappingaravlagandi, sigur vinnan.

Føroya arbeiðsgevarafelag saknar eisini eina neyva allýsing, sum sigur, hvat heimavirkisvirksemi er. Hendan allýsing er hvørki í lógartekstinum ella í viðmerkingunum um lógaruppskotið.

Sama er galdandi fyri rithøvunda- og tónaskaldavirksemi og um annað listaligt virksemi, sum sleppa undan meirvirðisgjaldi, sigur Føroya arbeiðsgevarafelag.

 
Nýggjastu sendingar í ÚV
Mánadag 25. mai
Adrian, Adrian, Adrian og Adrian
109293
Mánadag 25. mai
Blámannavík (22:36)
109278
Mánadag 25. mai
Norðurljóð 25.mai 2020
109257
Nýggjastu sendingar í SV
Mánadag 25. mai
3-2
109292
Sunnudag 24. mai
Andakt við Kristvør Kolden
109236
Sunnudag 24. mai
Møti úr Ebenezer í Havn.
109234
Fríggjadag 22. mai
Úr savninum: Slóðarar 6:7
109202
Fríggjadag 22. mai
Úr savninum: Tilvildin 1:2
109201