Hýrurnar fleirfaldaðar

Tað vísa tøl frá Hagstovuni yvir miðal árshýrur, býttar á skipabólkar. Í 2009 var miðalhýran á nótaskipum 828.000 krónur, í 2016 var hon 1,9 milliónir krónur.

Taka vit øll uppsjóvarskipini við, er miðalhýran vaksin meira enn hálva aðru millión í sama tiðarskeiði - úr góðari einari millión upp í 2,7 milliónir krónur.

Orsøkin er, sambært Búskaparráðnum, at landið tekur ikki tilfeingisrentuna í fiskivinnuni inn, og tilfeingisrentan fer tískil til reiðaríini og manningarnar.

 >> SÍ EISINI Breddin: Dubbaðar hýrur og profittur

– Tað verður millum annað tryggjað við at knýta veiðiloyvini at skipunum aftur, sigur Djóni Højgaard, formaður í Búskaparráðnum

Í uppskotinum um nýggja fiskivinnulóg stendur, at landið skal miða eftir at taka eitt tilfeingisgjald inn, sum svarar til tað, sum kom inn í 2018 - tað eru umleið 300 milliónir krónur. 

Sambært Hansi Ellefsen, búskaparfrøðingi, er tilfeingisrentan 1,2 milliardir, um ein miðalhýra verður sett til 400.000 krónur.