Løgreglan umhugsar revsimál

06.11.2019 - 15:32
AktueltÚtheimurin
Løgreglan umhugsar revsimál
Løgreglan í Noregi kannar nú, um nakar kann revsast eftir at ein fregatt og eitt tangaskip stoyttu saman fyri einum ári síðani
Norska fregattin, Helge Ingstad, og maltesiska tangaskipið, Sola, stoyttu saman 8. november í fjør. Nú endar málið kanska sum revsimál
 

Norska løgreglan kannar nú, um norska verjan og norska sjóverjan skulu revsast eftir at norska fregattin, Helge Ingstad, og maltesiska tangaskipið, Sola, stoyttu saman í Hjeltefjørðinum í Hordalandi í Noregi 8. november í fjør.

137 fólk vórðu flutt av Helge Ingstad, og átta fingu skaða. Fregattin gjørdist vrak av harða samanstoytinum. Fríggjadagin verður frágreiðingin frá skaðanevndini løgd fram.

Tað er komið undan kavi, nú eitt ár er liðið síðani samastoytin, at alt var ikki, sum tað skuldi vera henda heystardag í 2018.

Hildu at tangaskipið var ein farstøð

Norska TV2 avdúkaði í september at eingin var á vakt á fimm av støðunum á brúnni umborð á fregattini, sum tað átti at vera, tá fregattin sigldi inn í Hjeltfjørðin hesa náttina.

Maðurin, sum hevði útkikk í stýriborð, var til nátturða og sat í messini ein minutt áðrenn samanstoytin 8. november í fjør.

Skaðanevndin staðfestir, at tað hevur týdning, at manningin á brúnni hevði skeiva fatan av hvussu støðan var, og helt tí, at oljutangaskipið Sola var farstøðin í Sture.

Frágreiðingin verið til hoyringar

Farstøðin kom í stýriborð. Tá útkikkarin varð liðugur at eta og fór aftur á brúnna, sá hann tástani, sambært TV2, at støðan var álvarslig.

Frágreiðingin hjá skaðanevndini, sum verður løgd fram fríggjadagin, hevur í heyst verið til hoyringar hjá fleiri pørtum. Millum annað hava sjóverjan, reiðaríið, sum eigur tangaskipið, og sjey av manningini á brúnni á Helge Ingstad lisið frágreiðingina. 

TV2 skilir, at óhappið hendi av fleiri samanfallandi orsøkum, fleiri smærri mistøk ella vánaligt samskifti millum ymsu aktørarnar. Onnur enn manningin á fregattini hava eisini gjørt mistøk, sigur norska tv2.

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743