Tingfundur aftur í næstu viku

14.01.2020 - 08:53
AktueltPolitikkur
Tingfundur aftur í næstu viku
Uppskotið um at útbyggja Landssjúkrahúsið kemur til fyrstu viðgerð
 

Fyrsti tingfundurin í hesum árinum verður mikudagin í næstu viku.

Nøkur mál eru í tinginum, sum skulu hava fyrstu viðgerð.

Fyrstu viðgerðirnar verða mikudagin og hósdagin í næstu viku.

Millum málini eru uppskotið til samtyktar hjá Javnaðarflokkinum um at stovna partafelag at gera undirsjóvartunnil til Suðuroynna, og uppskotið hjá landsstýrinum um at broyta skattalógina til frama fyri heimavirki.

Hósdagin í næstu viku fer tingið at viðgera uppskotið um útbyggingina á Landssjúkrahúsinum og uppskotið um at verja persónsupplýsingar, tað er uppskotið um nýggja dátuverndarlóg. 

Margfeldislógin í rættarnevndini

Rættarnevndin hevur fund fríggjadagin í næstu viku og fer tá at viðgera uppskotið um náttúrumargfeldislóg.

Nevndin hevur boðsent Føroya náttúru- og umhvørvisfelag, Ringrás, Útoyggjafelagnum, Kommunufelagnum, Visit Faroe Islands og tveimum landsstýrismonnum, landsstýrismaðurin í umhvørvis- og vinnumálum kemur á fundin saman við Búnaðarstovuni og Umhvørvisstovuni, og landsstýrismaðurin í uttanríkis- og mentamálum kemur saman við Søvnum landsins.


 

 
Nýggjastu sendingar í ÚV
Leygardag 18. januar
Á Quiztinum: 1. innleiðandi umfar
103535
Leygardag 18. januar
Vanlukkan í Vesturísinum (2:8)
103094
Nýggjastu sendingar í SV
Fríggjadag 17. januar
Hyggjuráðið
103513
Hósdag 16. januar
Nóllywood (2:2)
103104
Mikudag 15. januar
Mentanarvirðislønir landsins 2019
103404