Norska stjórnin verður umskipað

21.01.2020 - 14:15
AktueltPolitikkur
Norska stjórnin verður umskipað
Nú Framburðsflokkurin er farin úr stjórnini, skulu nýggir ráðharrar tilnevnast
Erna Solberg fer nú at standa á odda fyri eini minnilutastjórn í Noregi
 

Norska stjórnin verður umskipað, eftir at Framburðsflokkurin rýmdi úr stjórnini í gjár. M.a. skal stjórnin hava nýggjan fíggjarmálaráðharra og nýggjan fiskimálaráðharra.

Erna Solberg, forsætisráðharri, fer í dag á fund við umboð fyri Vinstra og Kristiliga Fólkaflokkin, sum eru eftir í stjórnini, saman við Høgra, og flokkarnir skulu semjast um at tilnevna sjey nýggjar ráðharrar.

Roknað verður við, at Høgri fær tríggjar av mest týðandi ráðharrasessunum í stjórnini.

21 ráðharrar

Tá Erna Solberg tók við sum forsætisráðharri í 2013, vóru 18 ráðharrar í stjórnini, men talið varð økt upp í 21, tá Kristiligi Fólkaflokkurin kom upp í stjórnina í fjør.

Framburðsflokkurin fór úr stjórnini, tí flokkurin segði seg ikki kunna góðtaka, at Noreg tók eina 29 ára gamla norska-pakistanska kvinnu, við tveimum børnum, heim úr Sýria. Kvinnan hevði virkað fyri Islamskum Stati.

Norska stjórnin segði seg ikki kunna gera nakað øðrvísi, tí annað barnið var sjúkt.

Varðhaldsfongslað

Kvinnan kom heim fríggjadagin. Hon var tikin í floghavnini, og í gjár varð hon varðhaldsfongslað í fýra vikur.

Framburðsflokkurin var ímóti, at kvinnan kom aftur til Noregs.

Eftir avgerðina hjá Framburðsflokkinum, boðaði Erna Solberg frá, at hon ætlar at vera sitandi sum forsætisráðharri, men at talan verður um eina minnilutastjórn.

Stjórnin hevur 61 av teimum 169 sessunum í stórtinginum, eftir at Framburðsflokkurin við sínum 27 umboðum fór úr stjórnini, skrivar NTB.
 

 
Nýggjastu sendingar í ÚV
Mánadag 28. september
Góðan morgun Føroyar 28.09.20
114040
Mánadag 28. september
Morgunlestur mánadagur 28. september 2020
113939
Sunnudag 27. september
Frá stríðsárunum (13:15)
113276
Sunnudag 27. september
Meg minnist
114012
Sunnudag 27. september
Minnismyndir: Torbjørn Poulsen
113769
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812