Kunnu søkja um 64.000 tons av uppsjóvarfiski

Kunnu søkja um 64.000 tons av uppsjóvarfiski
Kunngerðin er gjørd, og søkjast kann til øll skip og allar bátar
Kunngerðin skal á landsstýrisfund í næstu viku, og helst verður okkurt broytt, sigur Jacob Vestergaard, landsstýrismaður
 
13.02.2020 - 13:06

Um stutta tíð fer at bera til at søkja um 64.000 tons av uppsjóvarfiski.

Kunngerðin um vinnuligar royndir og verkætlanir, sum hava við sær menning, nýskapan og virðisøking í at gagnnýta uppsjóvarfisk, er gjørd.

Tey 64.000 tonsini eru 10.000 tons av makreli, 14.000 tons av norðhavssild og 40.000 tons av svartkjafti.

Til politiska viðgerð

Uppskot um kunngerðina hevur verið í Fiskivinnuráðnum, og skal á landsstýrisfund týsdagin til politiska viðgerð.

Helst verður okkurt broytt har, sigur Jacob Vestergaard, landsstýrismaður.

Sambært uppskotinum um kunngerð og sambært lógini skal søkjast um kvotu, og søkjast kann til øll skip og allar bátar. 

Sambært lógini um sjófeingi kann landsstýrismaðurin áseta nærri reglur um mannagongd og treytir í sambandi við umsóknir, og landsstýrismaðurin kann í loyvinum áseta treytir um fiskileiðir, veiðihættir, tíðarskeið og annað.
 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652