- Tíðindi, mentan og ítróttur
Búi og Dánjal vunnu Geytan
Búi og Dánjal vunnu Geytan
Filmurin "Hví eru vit her" vann í gjárkvøldið føroysku filmsheiðurslønina.
16.02.2020 - 11:51
Filmurin "Hví eru vit her" vann í gjárkvøldið Geytan, sum er føroyska filmsheiðurslønin. Umframt heiðurin fær vinnarin 30.000 krónur.
Filmurin, sum Búi Dam og Dánjal á Neystabø hava gjørt, vann heiðurin í kapping við tilsamans 20 filmar, sum komu inn til kappingina hesaferð.
Átta teir bestu vórðu vístir á Geytakvøldinum í Norðurlandahúsinum í gjárkvøldi, har eisini ársins Geytavinnari var avdúkaður. Og besti føroyski filmur í ár eitur "Hví eru vit her."
Umframt sjálvan Geytan varð ein áskoðaravirðisløn eisini latin í gjárkvøldi. Hana fekk Gudmund Helmsdal fyri filmin »Trøllabeiggi« . Vinnarin fær 25.000 krónur.
Nýggjastu sendingar í ÚV
Nýggjastu sendingar í SV