Flúgva arbeiðsfólk heim við leiguflogfari

– Hetta er tann lættasti og besti mátin, at fáa manningina aftur til Føroyar eftir páskafrítíðina, sigur Per Jonsson, deildarleiðari fyri NCC Civil Engineering Norge, sambært tíðindaskrivi frá felagnum.

Orsøkin er, sambært felagnum, at tað í hesum døgum er næstan ógjørligt at fáa manningina millum Norra og Føroyar gjøgnum vanliga rutunetið. Sambært felagnum er hetta eisini við til, at minka um korona-smittuvandan.

Einki starvsfólk staðfest korona

– Havandi smittuvandan í huga, er hetta eisini ein góð loysn. Av tí, at einans okkara starvsfólk eru umborð, eru vit avbyrgd og ikki í samband við onnur, ið ferðast til og frá oyggjunum.

– Harumframt eru vit heldur ikki saman við íbúgvunum í Føroyum, tá vit arbeiða og búgva har, sigur Aage Lien, økisleiðari fyri tunlar í NCC Civil Engineering. 

Við norska miðilin bygg.no upplýsir NCC, at einki av starvsfólkunum í tunnilstoymunum hevur fingið staðfest korona.