Bólkur 4A og 4B verða lagdir saman

Fiskimálaráðið ætlar at leggja bólkarnar 4A og 4B saman í ein bólk.

Í bólki 4A eru utróðrarbátar millum 15 og 40 tons.Í bólki 4B eru útróðrarbátar millum 40 og 110 tons.

Samanleggingin er við í lógaruppskotinum um broytingar í lógini um sjófeingi, sum kom í tingið í gjár .

Bátarnir í bólki 4A og 4B virka undir eins lógarreglum og treytum, og tí er óneyðugt at býta hendan partin av útróðrarflotanum í tvey, sigur Fiskimálaráðið.

Allir bátarnir varðveita sínar fiskidagar.