Jenis av Rana tvær ferðir í Uttanlandsnevndina

Jenis av Rana, landsstýrismaður, skal tvær ferðir í Uttanlandsnevndina hjá løgtinginum í hesari vikuni.

Hann vil sleppa at ráðføra seg við nevndina um tilgongdina í sambandi við at gera arktiska strategi.

Tann fundurin verður í morgin.

Hósmorgunin hevur Uttanlandsnevndin biðið Jenis av Rana og Bárð á Steig Nielsen um at koma í samráð um fjarskiftisnet, 5G-tøkni, trygdar- og verjupolitikk og samráðingar við donsku stjórnina.