Heimatænastan og eldrarøktin verða nú eftirmett

Lógin um heimatænastu og eldrarøkt verður nú endurskoðað.

Fyrsti fundurin hevur verið, hann var 2.juni. 

Og arbeiðssetningurin hjá teimum, sum endurskoða, er um at verða liðugur. Endurskoðanin skal vera liðug hálvan november.

Fyri fyrst eru Kommunufelagið og Almannamálaráðið í bólkinum, men seinni koma Fíggjarmálaráðið og Vinnumálaráðið.

Samtykt í 2014

Ætlanin við endurskoðanini er at vita, um lógin virkar soleiðis, sum ætlanin var, tá hon varð samtykt í 2014.

Tá eftirmetingin er gjørd, skal hon hava politiska viðgerð.

Elsebeth Mercedis Gunnleygsdóttir, landsstýriskvinna, hevur sagt, at umframt myndugleikarnar skulu tey, sum arbeiða í heimatænastuni og í eldrarøktini, vera við í endurskoðanini.

Tá eftirmetingin er gjørd, skal hon hava politiska viðgerð.