Eysturoyartunnilin letur upp fyrst í komandi ári

Leysasøgur hava annars gingið um, at tunnilin fer at lata upp fyri tíð. Men tað vísir stjórin aftur. Hann sigur, at arbeiðið skal vera liðugt síðst í hesum árinum, og so skulu teir nýta nakrar mánaðir at royna alla ta teknisku útgerðina, áðrenn tunnilin letur upp fyri almennari ferðslu. 

Hann sigur, at tað er meira teknisk útgerð í Eysturoyartunlinum samanborið við Vágatunnilin og Norðoyatunnilin, og tí tekur tað longri tíð at royna alla útgerðina.