Trý afturat smittað

Tríggir koronusmittutilburðir vórðu staðfestir í gjár, vísa nýggjastu tølini hjá landslæknanum. 

Øll eru smittað í Føroyum og øll eru í somu smittuketu. 

Í gjár vórðu 1.250 kanningar gjørdar, og allar kanningarnar eru greinaðar. Nú eru gjørdar 126.940 kanningar í Føroyum.

Nú hava 460 fólk fingið staðfest koronusmittuna í Føroyum. 

43 smittað

417 eru vorðin frísk aftur. Tí eru 43 fólk smittað í løtuni.

Eingin er innlagdur við koronusmittu.

Nú eru 229 fólk í sóttarhaldi.

Landslæknin hevur staðfest, at ein tilburður frá 21.september, sum var positivur, var ikki positvur kortini, so hann telur ikki við.