Eiga ongar pengar til góðar í Danmark

02.10.2020 - 08:44
AktueltPolitikkur
Eiga ongar pengar til góðar í Danmark
Danska stjórnin segði, at føroyska roknistykkið um Nato-limaskapin hjá Danmark var skeivt, tá samráðst varð um fullveldi
Føroyar høvdu fíggjarligan fyrimun av, at tey sameindu í vesturheiminum vóru í Føroyum, segði danska stjórnin, tá samráðingar vóru um fullveldi
 

Føroyar eiga ongar pengar hjá Danmark, tí Nato hevði herstøð her.

Tá samráðingar vóru millum donsku stjórnina og landsstýrið um fullveldi fyri 20 árum síðani, hildu Føroyar uppá, at Danmark hevði fíggjarligan fyrimun, tí Nato slapp at brúka Føroyar.

Hetta bygdi á, at Nato skuldi krevja trý prosent av bruttotjóðarúrtøkuni í limagjaldi. Men tað er ikki rætt, fekk føroyska samráðingarnevndin at vita frá teirri donsku.

Í 1978 samdust Nato-londini um, at tey skuldu miða eftir at tryggja árligan vøkstur í útreiðslunum til verjuna. Vøksturin var okkurt um trý prosent.

200 mió. kr.

Tá, fyri 20 árum síðani, brúkti danska verjan 200 mió. kr. um árið til at verja Føroyar.

Danska stjórnin segði, at føroyska roknistykkið um Nato-limaskapin hjá Danmark var skeivt.

Hetta sæst í einum innliti, sum Forsætismálaráðið nú hevur latið.

Har stendur, at Føroyar javnan stuðlaðu danska limaskapinum í Nato.

Føroyar fyrimun

Tá kalda kríggið herjaði, høvdu Føroyar gagn av verjuni hjá vesturheiminum.

Og Føroyar høvdu fíggjarligan fyrimun av, at tey sameindu í vesturheiminum vóru í Føroyum. 

Niðurstøðan er, at stjórnin góðtekur ikki, at Føroyar hava eitt "sikkerhedspolitisk tilgodehavende", sum tað verður kallað, í Danmark.

 
Nýggjastu sendingar í ÚV
Leygardag 23. januar
Ein váðafull bumbuferð
118473
Leygardag 23. januar
Jambalaja 230121
119338
Leygardag 23. januar
Hetta heilaga Evangeliið skrivar.
119317
Leygardag 23. januar
Morgunlesturin leygarmorgunin 23. januar 2021
119024
Fríggjadag 22. januar
Nón 22. januar 2021
119297
Nýggjastu sendingar í SV
Fríggjadag 22. januar
Lyst 34
119191
Hósdag 21. januar
Millum heimsins bestu bodybuildarar
119256
Mikudag 20. januar
Jørðin II 1 - Oyggjar
119181
Mánadag 18. januar
3-2
119108