Anna Malan Jógvansdóttir heiðrað

Kaj Leo Holm Johannesen, landsstýrismaður, handaði í gjárkvøldið Onnu Malan Jógvansdóttir Ársins sálarheilsuvirðisløn 2020 á altjóða sálarheilsudegnum.

Landsstýrismaðurin segði, at Anna Malan er ein stór fyrimynd fyri mong, sum stríðast, og koma fyri seg aftur. 

– Hon eigur stóra tøkk fyri, at hon gjøgnum sína rit- og myndlist gevur okkum loyvi at verða klókari og ríkari, segði Kaj Leo Holm Johannesen.

Anna Malan Jógvansdóttir hevur millum annað givið út fleiri yrkingarsøvn, og í fjør gav hon út hybridbókina "Psykosudrotningin sigur frá", har hon greiðir frá lívinum við psykosu.