2.656 kannað, fimm smittað

Av teimum 2.656 koronukanningunum, sum vóru gjørdar tollaksmessudag, vóru fimm positivar.

Allir smittutilburðirnir eru partur av smittuketu, sum landslæknin fylgir. 

Øll tey smittaðu eru avbyrgd, og landslæknin er í gongd við smittusporingina.   

561 fólk hava nú fingið koronu í Føroyum. 35 eru enn smittað.

Eitt fólk er innlagt.

101 fólk var í sóttarhaldi í gjár.