Meira tilfar til børn í Føroyum

14.01.2021 - 11:51
AktueltSamfelag
Meira tilfar til børn í Føroyum
Kringvarp Føroya hevur seinastu tíðina verið í samráðingum um rættindi til fleiri sendingar til børn
 

Eitt av málunum, sum Kringvarpið hevur sett sær fyri, er at útvega rættindi til fjølbroytt barnatilfar. Tað hevur verið arbeitt miðvíst við at fáa avtalur í lag við framleiðarar úti í heimi, so Kringvarpið fær rættindi at týða og leggja føroyskar røddir til barnarøðir.    

Kringvarpið hevur keypt rættindini til Peppa Pig, P.J.Masks, Fireman Sam, Sarah & Duck, STOPP og Mouk. Harumframt er fingin í lag avtala um allar søgurnar eftir Astrid Lindgren, soleiðis at eitt nú Pippi, Brøðurnir Leyvuhjarta, Emil í Lønnebergi og aðrar røðir kunnu vísast í sjónvarpinum hjá Kringvarpinum.

Kringvarpið hevur eisini gjørt avtalu um stórfingnan jólakalendara, Stjørnudust, at senda til jóla.  

Kringvarpið er í innleiðandi samráðingum um aðrar vælumtóktar barnarøðir, men nú verður arbeitt við at týða alt tilfarið og fáa tað føroyskað. Hetta tekur tíð, men seinni í ár verður klárt at vísa.    

- Stóru altjóða stroymingtænasturnar seta av álvara føroysku mentanina undir trýst, og tí er av stórum týdningi, at føroysk børn hoyra føroyskt mál. Tað er okkara uppgáva sum stovnur, at børnini fáa gott og fjølbroytt barnatilfar á føroyskum, og ta uppgávuna taka vit í álvara, sigur Ivan Hentze Niclasen, stjóri.    

- Føroysk børn mugu síggja tað, sum tey síggja á altjóða rásum og stroymingtænastum á føroyskum. Royndirnar vísa, at hóast hetta er tíðarkrevjandi og kostnaðarmikið, so ber tað til, hóast  Kringvarpið er ein lítil  stovnur og Føroyar eitt lítið land, sigur Kári Sólstein, leiðari á Mentan.   

Umframt útlendskar røðir verður eisini farið í gongd aftur við at framleiða vælumtóktu barnasendingina ‘Sakin’, og barnarøðin ‘Hví eru vit her?’ við Ævintýraferðini verður liðug seinni í ár. Ætlanin er eisini at fáa sett í gongd aðrar føroyskar barnasendingar í 2021.  
 

Er kopiera
Nýggjastu sendingar í ÚV
Týsdag 3. august
Málbroytingar í føroyskum
126167
Týsdag 3. august
Morgunlestur týsdagur 3. august 2021
126407
Mánadag 2. august
Morgunlestur mánadagur 02. august 2021
126406
Sunnudag 1. august
Guðstænasta úr Vesturkirkjuni
127076
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990