Gjaldførið í landskassanum skal vera smidligari

Gjaldføri landsins skal verða smidligari, tá landskassalán skulu rindast aftur ella endurfíggjast.

Tí vil landsstýrið broyta lógina um Landsbankan.

Lógin sigur, at gjaldføri landskassans skal í minsta lagi svara til 15 prosent av bruttotjóðarúrtøkuni undanfarið ár.

Men lógin skal broytast, so til ber at víkja frá kravinum um tey 15 prosentini í eitt stutt tíðarskeið.

Undantakið skal galda, til næsta lán hjá landskassanum fellur til gjaldingar. Hetta er fyri at sleppa undan at taka dýr lán fyri at endurfíggja.

Gjaldførið umleið fimm mia.

Í 2019 vóru 15 prosent av gjaldførinum 2,8 mílliardir krónur. 

Gjaldføri landsins er nú 4,9 milliardir krónur, sigur landsstýrið.

Niðurstøðan er, at tá landskassin hevur nóg stórt gjaldføri til at gjalda eitt lán aftur í einum uttan endurfígging, skal tað bera til.

Gjaldførið skal tó ikki fara niður um 13 prosent, stendur eisini í uppskotinum um lógarbroyting.