Verjuútbúgving í Grønlandi

Ein verjuútbúgving skal gerast í Grønlandi, og útbúgvingin skal minna um herskylduna í Danmark.

Endamálið við útbúgvingini er at gera grønlendingar førar fyri at vera við til at verja Grønland.

Hon fer eisini at styrkja tilbúgvingina og sjálvbodna tilbúgvingararbeiðið í Grønlandi.

Útbúgvingin er við í semjuni, sum er gjørd í fólkatinginumum verjuna í Arktis.

Men grønlendska sjálvstýrið skal gera av, hvussu útbúgvingin verður skipað. Hon verður í Kangerlussuaq.

50 mió. kr. settar av

50 milliónir krónur eru settar av til útbúgvingina. Málið um herskyldu í Grønlandi er ikki nýtt.

Í 2018 varð roynt at fáa grønlendingar at gera herskyldu. Í 2019 teknaðu 58 seg. 21 teirra vóru mett at geva egnað. 15 fóru í starv hjá verjuni.

Í fjør bar ikki til fyri koronu at velja fólk til herskyldu. 

Trine Bramsen, verjumálaráðharri, sigur við KNR, at hon væntar, at nýggja útbúgvingin kann byrja við 15 næmingum. 

Flokkurin IA hevur í fólkatinginum í nógv ár tosað um eina verjuútbúgving í Grønlandi.