Koppseting: Sendifólk við maka tikin framum

02.03.2021 - 12:56
AktueltHeilsa
Koppseting: Sendifólk við maka tikin framum
Tey vórðu koppsett 27. januar, sjey dagar eftir at landslæknin hevði fingið eina áminning. Kringvarpið hevur fingið innlit frá aðalráðnum
Kunngerð um at koppseta fólk í samfelagskritiskum størvum er ikki lýst enn
 

Tað var 22. desember, at eitt embætisfólk hjá Uttanríkis- og Mentamálaráðnum setti seg í samband við Lars Foodgaard Møller, landslækna, sum eisini er formaður í koppsetingarbólkinum hjá landsstýrinum, og bað um, at nýútnevnda sendifólkið í London og maki hennara skuldu fáa koppsetingina.

20. januar sendir embætisfólkið eina áminning og spyr, um tað er møguligt at fáa svar uppá, hvørt sendifólkið og maki hennara kunnu verða koppsett.

Lars Foodgaard Møller svarar sama dag, at hann heldur hetta vera eitt gott hugskot, og at Tummas í Garði, sum eisini situr í koppsetingarbólkinum, møguliga kann hjálpa við hesum.

23. januar kemur svar frá Tummasi í Garði, har hann skrivar, at tey kunnu fixa hetta mikudagin tann 27. januar. Hann skal bara hava nøvn, føðingardagar og kontaktelefonnummur hjá sendikvinnuni og makanum, so til ber at kalla tey inn.

25. januar takkar Uttanríkis- og Mentamálaráðið fyri og boðar frá, at neyðugu upplýsingarnir ERU sendir inn. Sosatt fáa sendikvinnan og makin fyrru koppsetingina her heima í Føroyum tann 27. januar.

Ein umbøn aftrat

17. februar kemur enn eitt ynski frá Uttanríkis- og Mentamálaráðnum. Tey takka fyrst fyri, at til bar at koppseta sendikvinnuna í London og makan, og síðani spyrja tey, um tað ber til at fáa koppseting til sendimannin í Kina og maka hansara.

Í gjár rykkir embætisfólkið enn einaferð og boðar frá, at hjúnini hava ikki hug at verða koppsett í Kina, og ynskja tí at verða endaliga koppsett í Føroyum, áðrenn tey fara avstað. Lars Foodgaard svarar, at hetta er eitt gott hugskot, og vísir enn einaferð til Tummas í Garði.

Meira er enn ikki hent í málinum, men bæði sendifólkið í London og sendifólkið í Kina eru enn í Føroyum.

Onnur skulu koppsetast fyrst

Sambært kunngerðini, ið koppsetingarbólkurin hevur mælt til, og sum landsstýrismaðurin í heilsumálum hevur lýst, so er enn bert heimild til at koppseta starvsfólk í heilsugeiranum, eldrageira­num og ávísum pørtum av almannageira­num, sum hava tætt samband við sjúkling­ar ella búfólk, og sum eru í serligum vanda fyri at verða smittað við COVID-19.

- Búfólk á ellisheimum og røktarheimum ella øðrum røktarbústaði.

- Sjúklingar, sum eru í viðgerð og sum eru í serligum vanda fyri at gerast álvarsliga sjúkir, verða teir smittaðir við COVID-19.

- Avvarðandi at hesum sjúklingum.

- Persónar, sum hava fylt 65 ár, ið fáa per­sónliga røkt og hjálp við tí praktiska.

- og at enda persónar, ið eru fyltir 85 ár.

Sambært koppsetingarkalendaranum hjá koppsetingarbólkinum og landsstýrinum, er ætlanin at koppseta persónar, ið hava samfelagskritisk størv, í endanum av apríl. Kunngerð, ið heimilar hesum, er tó ikki lýst enn.


 

Er kopiera
Nýggjastu sendingar í ÚV
Mikudag 12. mai
Nón 12. mai 2021
124183
Mikudag 12. mai
Góðan morgun Føroyar
124160
Mikudag 12. mai
Morgunlestur mikudagur 12. mai 2021
124014
Týsdag 11. mai
Breddin
124139
Týsdag 11. mai
Óhoyrt: Tann nýggjasti rokkurin
124135
Nýggjastu sendingar í SV
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018
Sunnudag 9. mai
Guðstænasta í Leirvíkar kirkju.
124011
Sunnudag 9. mai
FM í estetiskum fimleiki
124020