Fólk í Havn eta sjáldan ræstan fisk

Í miðal eta 29 prosent av fólkunum í Havn, Argjum og Hoyvík ræstan fisk minst einaferð um mánaðin. Tað er kortini styttri ímillum, at fólk uttan fyri Havnina eta ræstan fisk.

Tey, sum oftast eta ræstan fisk, eru fólk í Sandoy og Suðuroy, har 51 prosent av teimum spurdu siga seg eta ræstan fisk minst einaferð um mánaðin.

Í Vágum er talið 45 prosent, í Norðuroyggjum er talið 41,5 prosent og í Eysturoy er talið 40 prosent, sambært kanningini um matvanar hjá Fólkaheilsuráðnum.

Sætta hvørt fólk, 16,7 prosent, av teimum spurdu í kanningini siga seg sjáldan ella ongantíð eta ræstan fisk. 2.744 fólk svaraðu spurninginum í matvanakanningini.