Frakland letur aftur fyri triðju ferð

bannari
01.04.2021 - 17:24
AktueltÚtheimurin
Frakland letur aftur fyri triðju ferð
Barnagarðar og skúlar í Fraklandi lata aftur í tríggjar vikur
Mynd: Savnamynd (AP)  
 

Tað verður gjørt fyri fyribyrgja koronusmittu, segði forsetin, Emmanuel Macron, í einari røðu, sum varð send í fronskum sjónvarpi í gjárkvøldið.

Skúlanæmingar skulu undirvísast heima í næstu viku, og eftir tað skulu tey hava frí í tvær vikur, segði forsetin millum annað, sambært Ritzau og AFP.

Vit høvdu ikki gjørt hetta, um tað ikki var neyðugt, segði Macron í røðuni, ið serliga vendi sær til foreldur í Fraklandi.

Landið letur aftur í fýra vikur

Emmanuel Macron boðaði samstundis frá, at alt Frakland letur aftur í fýra vikur, og at átøkini í landinum verða sett í verk leygardagin.

Frakland er, eins og fleiri onnur lond í Evropa, rakt av triðju koronubylgjuni í løtuni, skriva tíðindastovurnar Ritzau og AFP.

Franski forsetin vísir á, at 44 prosent av teimum, sum í løtuni eru innløgd á intensiv deildum í landinum, eru yngri enn 65 ár.

Kunnu missa tamarhaldið á smittuni

Í løtuni eru tað serliga tey nýggju sløgini av koronusmittuni, ið smitta illa, sum breiða seg skjótt í landinum, sigur forsetin.

Vit kunnu í ringasta føri koma at standa í teirri støðu, at vit missa tamarhaldið við smittuni, ávarar Emmanuel Macron.

Hann leggur afturat, at Frakland má seta munagóð átøk í verk, um landið ikki skal missa tamarhaldið á smittugongdini.

Útgonguforboð eftir klokkan 19

Í teimum økjunum í Fraklandi, har ringast stendur til, sleppa fólk ikki út um dyr eftir klokkan 19 um kvøldið.

Harumframt heitir franska stjórnin á fólk um ikki at savnast meira enn neyðugt, og í størstan mun arbeiða heima.

Nýggjastu tølini vísa, at 95.802 fólk í Fraklandi eru deyð við smittuni, og stívliga 4,7 milliónir fólk hava higartil fingið staðfest smittuna.

Er kopiera
Nýggjastu sendingar í ÚV
Leygardag 17. apríl
Frá fyrsta Smirli til í dag - 11. sending
122923
Leygardag 17. apríl
TEMAPLÁTAN: New Jersey, Bon Jovi, 1988
122961
Leygardag 17. apríl
Hetta heilaga Evangeliið skrivar
122959
Leygardag 17. apríl
Brunsj við Niels Petur Nolsøe (NePtuN)
122958
Leygardag 17. apríl
Akkerini vóru bjargingin
122792
Nýggjastu sendingar í SV
Leygardag 17. apríl
Hondbóltur: VÍF - H71
122963
Hósdag 15. apríl
Tóki
122879
Mikudag 14. apríl
Hondbóltur: H71 - VÍF
122834
Mikudag 14. apríl
Hondbóltur: Neistin - STIF, 1. FM-finalan
122833
Týsdag 13. apríl
Katrin Danielsen, Ílegusavnið
118857