- Tíðindi, mentan og ítróttur
Liðugt koppsett sleppa nú undan heimauppihaldi
Liðugt koppsett sleppa nú undan heimauppihaldi
Frá í dag er ikki neyðugt hjá ferðandi, sum kunnu vátta, at tey eru liðugt koppsett, at fara í seks daga heimauppihald, tá tey koma til Føroya
01.04.2021 - 12:57
Fyri at verða roknaður sum liðugt koppsett, skulu fólk - umframt tey bæði neyðugu prikini - eisini hava fingið seinasta prikið fyri minst átta døgum síðan.
Tilmælið um seks daga heimauppihald hevur verið galdandi síðan í fjør summar, men 5. mars gjørdi landsstýrið av at fara frá tilmælinum um seks daga heimauppihald fyri liðugt koppsett, og hetta kemur í gildi í dag, 1. apríl.
Tilsamans 4.129 fólk í Føroyum eru nú liðugt koppsett. Hetta svarar til 7,8 prosent av samlaða fólkatalinum, sambært tølum hjá heilsumyndugleikunum á corona.fo
Er kopiera
Nýggjastu sendingar í ÚV
Nýggjastu sendingar í SV
