1.150 fólk koppsett hósdagin og fríggjadagin

Tilsamans 1.150 fólk í Føroyum vórðu koppsett hósdagin og fríggjadagin, tá Sjúkrahúsverkið koppsetti fólk, sum eru 75 ár og eldri, fyri COVID-19.

Fríggjadagin vórðu 434 fólk koppsett. 410 fingu fyrra prikið og 24 fingu seinna prikið. Hósdagin vórðu 716 fólk koppsett. 700 fingu fyrra prikið og 16 fingu tað seinna.

Nú eru 11.930 koppsetingar gjørdar í Føroyum. 7.755 hava fingið fyrru koppsetingina og 4.175 hava fingið ta seinnu og eru liðugt koppsett.