VÍF vann føroyameistaraheitið í Hoyvík

21.04.2021 - 20:52
ÍtrótturHondbóltur
VÍF vann føroyameistaraheitið í Hoyvík
Eftir ein gulan seinna hálvleik vann VÍF sannførandi fjórðu finaluna á H71 í Hoyvíkshøllini og tryggjaði sær sostatt sítt fyrsta FM-heiti síðan 2016
VÍF vann fjórðu FM-finaluna og sostatt sítt 24. FM-heiti
 

VÍF er føroyameistari fyri fyrstu ferð síðan 2016 eftir sigur á H71 í fjórðu FM-finaluni, sum var spæld í Hoyvík í kvøld.

Tað var í roynd og veru ein góð løta fyri VÍF í seinna hálvleiki, sum gjørdi, at steypið skuldi norður til Vestmanna. H71 hevði vunnið seg tvey mál framum.

Men uppá eina lítla løtu vendi VÍF øllum og fekk eina fimm máls leiðslu, og hoyvíkingarnir, sum vunnu FM í 2017, 2018 og 2019, komu ongantíð veruliga afturíaftur.

Javnur fyrri hálvleikur

Tað bar illa til at taka dagar ímillum liðini í einum góðum og jøvnum fyrra hálvleiki.Tey skiftust um at skjóta mál, men tað vóru hoyvíkingar, sum fóru til hálvleiks við eini teprari leiðslu.

Hesa leiðsluna høvdu teir eisini eina løtu í seinna hálvleiki, til gongdin vendi, og VÍF fór undan og um sýn.

Niðurteljing til avgerðina

Síðstu 10 minuttirnir tóktust verða ein niðurteljing til endaligu staðfestingina av, at VÍF hevur verið besta lið í Burn-deildini í ár. Leiðslan varð útbygd til 10 mál, og loksins kundu stór og smá, gul og blá, fegnast um sítt 24. føroyameistaraheiti.

H71-VÍF (Hoyvíkshøllin)
24-34 (14-13)

Er kopiera
Nýggjastu sendingar í ÚV
Hósdag 24. juni
Morgunlestur hósdagur 24. juni 2021
125462
Mikudag 23. juni
Nón 23. juni 2021
125835
Mikudag 23. juni
Morgunlestur mikudagur 23. juni 2021
125807
Nýggjastu sendingar í SV
Mánadag 21. juni
3-2
125752
Leygardag 19. juni
Video: 5mf gentur, sundalagsstevna 2021
125674
Leygardag 19. juni
Video: 10mf, sundalagsstevna 2021
125671
Leygardag 19. juni
Video: 8mf, sundalagsstevna 2021
125670
Leygardag 19. juni
Video: 5mf dreingir, sundalagsstevna 2021
125669