11 milliónir el-bilar

09.05.2021 - 13:34
AktueltÚtheimurin
11 milliónir el-bilar
Men í 2030 vera teir 145 milliónir
El-bila talið veksur støðugt.
 


Í løtuni koyra 11 milliónir el-bilar, vørubilar, lastbilar og bussar á vegunum í øllum heiminum, men í 2030 hækkar talið á akførum upp í 145 milliónir.

Tað vísir ein frágreiðing frá International Energy Agency, IEA.

Men gera heimsins stjórnir av at skunda undir grøna orkuskiftið, eru møguleikar fyri, at 230 milliónir akfør vera í 2030, skrivar The Guardian.

Nógv fleiri í ár

Sambært frágreiðingini frá IEA, eru seldir hálva triðju ferð so nógvir elbilar fyrsta ársfjórðing í ár enn sama tíðarskeið í fjør.

Hóast afturgongdin í bilídnaðinum hevur verið 16 prosent, vórðu tríggjar milliónir el-bilar skrásettir í fjør, og tað er met.

Orkuídnaðurin fylgir neyvt við gongdini, tí fleiri el-bilar fáa avleiðingar fyri oljufeløgini, sum eru bundin av eftirspurninginum eftir brennievni.

Frágreiðingin hjá IEA sigur, at heldur gongdin í søluni av el-bilum fram hetta til 2030, fer tørvurin á bensini og dieseli at minka tvær milliónir tunnur um dagin, og útlátið av Co2 minkar 120 milliónir tons.

Er kopiera
Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753