Ríku londini lata fátækum londum koppingarevni

11.06.2021 - 09:32
AktueltÚtheimurin
Ríku londini lata fátækum londum koppingarevni
Leiðararnir í G7-londunum ætla at finna semju á toppfundinum, sum verður í Bretlandi um vikuskiftið
Joe Biden, forseti, og Boris Johnson, forsætisráðharri, á G7-toppfundinum í Cornwall. Koppsetingarstøðan í fátæku londunum er eitt av evnunum á toppfundinum
 

G7-londini hava ætlanir um at lata fátæku londunum eina milliard skamtar av koppingarevni fyri koronu.

Leiðararnir í G7-londunum ætla at finna semju um koppingarevnið á toppfundinum í Cornwall um vikuskiftið. Tað boða bretsku myndugleikarnir frá, sum eru vertir fyri fundinum.

Ein ætlan skal gerast fyri, hvussu koppingarevnið skal gjaldast og býtast út til nógv lond, skrivar NTB.

Bretland letur 100 mió. skamtar

Bretland hevur kunngjørt, at landið fer at lata fátæku londunum minst 100 milliónir skamtar av koppingarevni, áðrenn árið er liðið.

Fimm milliónir skamtar skulu latast, áðrenn september er úti, og farið verður undir at lata koppingarevnið í næstum.

Umleið 80 prosent av koppingarevninum úr Bretlandi skal latast gjøgnum Covax, sum heimsheilsustovnurin, WHO, stendur fyri.

USA letur 500 mió.

Í gjár boðaði amerikanski forsetin, Joe Biden, frá, at USA fer at lata 500 milliónir skamtar av koppingarevni til 92 lond, har inntøkan er lág ella miðal.

ES-londini hava eisini samtykt at lata minst 100 milliónir skamtar av koppingarevni til fátæku londini í hesum árinum.

Er kopiera
Nýggjastu sendingar í ÚV
Leygardag 12. juni
Jambalaja 120621
125359
Leygardag 12. juni
Morgunlestur leygardagur 12. juni 2021
125132
Fríggjadag 11. juni
Nón 11. juni 2021
125327
Nýggjastu sendingar í SV
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369
Leygardag 12. juni
Video: 10mf, Fjarðastevna 2021
125370
Leygardag 12. juni
Video: 8mf, Fjarðastevna 2021
125368
Leygardag 12. juni
Video: 6mf menn, Fjarðastevna 2021
125366