Danmark vann seg í áttandapartsfinaluna

Danska fótbóltslandsliðið í fótbólti hevur havt nógvan mótgang, síðani Christian Eriksen small um við hjartasteðgi í fyrsta EM-dystinum móti Finnlandi. Men í kvøld gekk alt upp í eina hægri eind hjá dønum, sum eru komnir víðari til áttandapartsfinaluna, har teir skulu spæla móti Wales. 

Danmark vunnu seg víðari við einum sannførandi 4-1 sigri á Russlandi. Málini skoraðu Mikkel Damsgaard, Yussuf Poulsen, Andreas Christiansen og Joakim Mæhle. 

Danir skuldu tó brúka eitt sindur av hjálp frá Belgia, sum spældi móti Finnlandi. Leingið stóð tað 0-0 í tí dystinum, men brádliga var stórur fagnaður í Parkini, tá Belgia hevði skorað, og Danmark var frammanfyri 2-0. 

Men so vendist alt upp á ein minutt. Málið hjá Belgia varð kolldømt, og Russland minkaði um munin. 

Donsku leikararnir fullu ikki í fátt, og serliga 3-1 málið hjá Andreas Christensen, sum hamraði bóltin í málið úr 20 metrum, var nakað heilt serligt. Tað var 1-0 málið hjá 20 ára gamla Mikkel Damsgaard eisini. Damsgaard gjørdist yngsti danski málskjúttin til eitt EM nakrantíð, tá hann sera hegnisliga eisini sparkaði bóltin í málið úr 16 metrum. 

Danmark endaði á øðrum plássi í bólkinum, hóast tað sá rættiliga svart út áðrenn dystin. Nú gongur leiðin frá Parkini til Johan Cruyff Arena í Amsterdam, har Danmark skal spæla móti Wales.  

Danmark 1

Joakim Mæhle var dagsins maður hjá Danmark. Hann feiraði 4-1 málið við at senda Christiani Eriksen eina heilsan. 10 er nummarið hjá Christiani Eriksen. 

screenshot_16.png

Fagnaður var ovurstórur, tá Andreas Christensen skoraði til 3-1. 

screenshot_7.png