Dátueftirlitið nøgt við tiltøk sum skulu verja p-tølini

Dátueftirlitið nøgt við tiltøk sum skulu verja p-tølini
P-tølini hjá fólki blivu almannakunngjørd á nýggjum heimasíðuni hjá tinglýsingini, men Umhvørvisstovan hevur tikið stig til at rætta feilin
Mynd: shutterstock.com  
 
09.07.2021 - 10:39

Umhvørvisstovan hevði sett hóskandi tøknilig tiltøk í verk til tess at tryggja, at p-tøl ikki sóust í tinglýstu skjølunum.

Tað sigur Umhvørvisstovan, nú Dátueftirlitið hevur viðgjørt fráboðanina í samband við trygdarbrotið, tá p-tøl brádliga vóru almannakunngjørd á nýggju heimasíðuni hjá tinglýsingini 22. juni.

Dátueftirlitið hevur tó givið Umhvørvisstovuni kravboð um at kunna tey skrásettu, sum ikki sjálv hava boðað frá, at teirra p-tal er vorðið alment.
Hesi fólk fáa kunning um hesi viðurskifti við posti, sigur Umhvørvisstovan.

Eisini skal Umhvørvisstovan kunna alment um trygdarbrotið á heimasíðuni hjá Umhvørvisstovuni, og møguligar váðar í hesum sambandi.

Dátueftirlitið sigur í avgerðini, at tey tiltøk, sum Umhvørvisstovan hevur sett í verk til tess at tryggja, at p-tøl, sum eru almannakunngjørd, skjótt og lætt kunnu strikast, eru nøktandi.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585