![](https://www.uf.fo/sites/default/files/styles/news_xtra_large/public/tinglysing.jpg?itok=MblqxqGs)
- Tíðindi, mentan og ítróttur
Dátueftirlitið nøgt við tiltøk sum skulu verja p-tølini
![](https://kvf.fo/sites/default/files/styles/grein-ovasta-mynd/public/kt_0.jpg?itok=8nflYLqk)
Umhvørvisstovan hevði sett hóskandi tøknilig tiltøk í verk til tess at tryggja, at p-tøl ikki sóust í tinglýstu skjølunum.
Tað sigur Umhvørvisstovan, nú Dátueftirlitið hevur viðgjørt fráboðanina í samband við trygdarbrotið, tá p-tøl brádliga vóru almannakunngjørd á nýggju heimasíðuni hjá tinglýsingini 22. juni.
Dátueftirlitið hevur tó givið Umhvørvisstovuni kravboð um at kunna tey skrásettu, sum ikki sjálv hava boðað frá, at teirra p-tal er vorðið alment.
Hesi fólk fáa kunning um hesi viðurskifti við posti, sigur Umhvørvisstovan.
Eisini skal Umhvørvisstovan kunna alment um trygdarbrotið á heimasíðuni hjá Umhvørvisstovuni, og møguligar váðar í hesum sambandi.
Dátueftirlitið sigur í avgerðini, at tey tiltøk, sum Umhvørvisstovan hevur sett í verk til tess at tryggja, at p-tøl, sum eru almannakunngjørd, skjótt og lætt kunnu strikast, eru nøktandi.