Sjúkrahúsverkið: Koppsett kunnu koma á vitjan

Sjúkrahúsverkið ger nú vart við, at koppsett gott kunnu vitja innløgd á sjúkrahúsunum. 

Smittustøðan í Føroyum í løtuni hevur við sær, at avvarðandi eru varin við at vitja innlagdar sjúklingar á sjúkrahúsunum, skrivar Sjúkrahúsverkið á heimasíðuni. 

"Men koppsettir borgarar kunnu framhaldandi vitja sjúklingar. Tó eiga koppsettir borgarar, sum hava verið uttanlands, at bíða eftir úrslitinum frá koronukanningini heimkomudagin, innan vitjað verður á sjúkrahúsinum."

Sjúkrahúsverkið minnir tó á almennu tilmælini um frástøðu og at spritta hendur, meðan vitjað verður.