Jóhan á Plógv skoraði trý mál

Jóhan á Plógv Hansen skoraði trý mál, tá Danmark, sum er verandi olympiskur meistari, vann ein søguligan hondbóltssigur móti vertunum Japan við OL í Tokyo. 

Ongantíð áður eru so nógv mál skorað í einum harralandsdysti við eitt OL. 

47-30 stóð á máltalvuni, tá dysturin varð liðugur. Also samanlagt 77 mál teir 60 minuttirnar, sum dysturin vardi. 

Toppskjúttar hjá Danmark vóru bakkurin Jacob Holm og strikuspælarin Magnus Saugstrup við hvør sínum níggju málum. 

Stórsigurin hjá dønum varð kjølfestur beinavegin, tí Danmark skoraði 15 mál í fyrstu 15 minuttunum. 

Mikkel Hansen helt, at danir kundu ikki ynskt sær eina betri byrjan upp á OL. Næstan allir leikarar komu á máltalvuna og fingu spælitíð. 

- Nú eru vit í gongd, og nú bíðar okkum ein rættiliga spennandi dystur móti Egyptalandi, sum spælir góðan hondbólt, segði danski stórspælarin Mikkel Hansen.

47 mál er tó ikki flest mál, sum eitt landslið hevur skotið í einum OL-dysti. Tað metið eiga íslendingar, tí Ísland skoraði ikki færri enn 55 mál í HM dysti móti Australia í 2003