Týskland: Sosialdemokratur kann gerast kanslari

14.08.2021 - 14:58
AktueltÚtheimurin
Týskland: Sosialdemokratur kann gerast kanslari
Olaf Scholz fær 44 prosent í einari nýggjari kanning
Olaf Scholz, sum er kanslaraevni hjá sosialdemokratunum, stendur seg væl í kanningunum í løtuni
 

Óvæntað stendur sosialdemokraturin, Olaf Scholz, í løtuni til at gerast samveldiskanslari í Týsklandi eftir valið 26. september.

Ein kanning, sum sjónvarpsstøðin, ZDF, hevur gjørt, vísir, at 44 prosent av teimum spurdu vilja hava Olaf Scholz at taka við sum samveldiskanslari eftir Angelu Merkel, sum ikki stillar uppaftur.

Undirtøkan fyri Scholz er 10 prosent størri enn í einari kanning fyri 14 døgum síðani.

Samstundis hava bæði Armin Laschet úr CDU og Annalena Baerbock úr Grøna flokkinum afturgongd í kanningunum. 

Varakanslari og fíggjarmálaráðharri

Olaf Scholz er varakanslari og fíggjarmálaráðharri í samgongustjórnini hjá Angelu Merkel, og hann fór í dag undir valstríðið.

Kanningin hjá ZDF vísir, at sosialdemokratiski flokkurin hevði fingið 19 prosent, var val nú. 

Sosialdemokratarnir rógva í løtuni borð um borð við Grøna flokkin, sum eisini fær 19 prosent.

Systirflokkarnir CDU/CSU verða størstir og fáa tilsamans 26 prosent.

Tríggir flokkar skipa stjórn

Michael Reiter, sum er tíðindamaður hjá danska kringvarpinum í Týsklandi, sigur, at heldur framgongdin hjá sosialdemokratunum fram, eru góðir møguleikar fyri, at Olaf Scholz verður nýggjur samveldiskanslari.

Eru veljarakanningarnar eftirfarandi, væntar Michael Reiter, at sosialdemokratarnir, liberali flokkurin FDP og Grøni flokkurin fara at skipa stjórn eftir valið.


 

Er kopiera
Nýggjastu sendingar í ÚV
Hósdag 11. august
Morgunlestur hósdagur 11. august 2022
143009
Mikudag 10. august
Morgunlestur mikudagur 10. august 2022
143008
Mikudag 10. august
LEITISSTEIN 09.08.2022 (Bjørt Lind)
143130
Týsdag 9. august
Botnstríðið harðnar
143083
Nýggjastu sendingar í SV
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769
Fríggjadag 29. juli
Ólavsøkuguðstænasta í Havnar kirkju.
142767
Hósdag 28. juli
Upp á gólv - á ólavsøku
142750