Dystast um fyrsta plássið í bólkinum

Føroyar spæla  seinnapartin ímóti Kekkia í EHF Championship-kappingini. Vinnarin av dystinum endar fremst í bólkinum.

Bæði Føroyar og Kekkia vunnu við 15 málum ímóti triðja liðnum í bólkinum, Bulgaria, so hugsast kann, at dysturin í dag verður spennandi, skrivar hondbóltssambandið á facebook.

Dysturin er avgerandi fyri, hvør skal møta hvørjum í hálvfinalunum, sum verða spældar leygardagin. Í hinum bólkinum eru Hvítarussland, Litava, Slovakia og Finnland.