Kunngera skjøl um yvirgangsatsóknina 11. september

Kunngera skjøl um yvirgangsatsóknina 11. september
Joe Biden, forseti, sigur, at hann fer at halda lyftið, sum hann gav undir valstríðnum
Joe Biden, forseti, er undir trýsti frá teimum 3.000 avvarðandi hjá teimum, sum doyðu í yvirgangsatsóknini.
 
04.09.2021 - 15:19

Amerikanski forsetin, Joe Biden, hevur givið løgmálaráðnum og øðrum myndugleikum boð um at gjøgnumganga loynilig skjøl hjá samveldisløgregluni FBI um yvirgangatsóknina 11. september í 2001.

20 ár eftir yvirgangsatsóknina ætlar forsetin at lata almenningin sleppa at síggja skjølini, sum hann lovaði í valstríðnum upp undir forsetavalið, verður sagt úr Hvítu húsunum.

Joe Biden hevur leingi verið undir trýsti frá avvarðandi hjá teimum umleið 3.000 fólkunum, sum doyðu í yvirgangsatsóknini 11. september 2011.

Saudiarabia uppií

Tey hava leingi kravt at fáa skjølini almannakunngjørd, tí skjølini kunnu prógva, at saudiarabiskir myndugleikar vóru uppi í yvirgangsatsóknini, siga tey avvarðandi.

Saudiarabia hevur víst aftur, at tað hevði nakað við yvirgangsatsóknina at gera.

Skjølini verða leysgivin í stigum, og seinastu skjølini verða almannakunngjørd um eitt hálvt ár, eru boðini úr Hvítu húsunum. 

Er kopiera
Nýggjastu sendingar í ÚV
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762