Atkvøða aftur um nýggjan forsætisráðharra í Svøríki

Atkvøða aftur um nýggjan forsætisráðharra í Svøríki
Magdalena Andersson legði mikudagin frá sær sum forsætisráðharri, bert sjey tímar eftir at hon var vald
Magdalena Andersson var bara forsætisráðharri í sjey tímar. Mánadagin verður aftur atkvøtt um hana sum nýggjan stjórnarleiðara.
Mynd: RitzauScanpix  
 
26.11.2021 - 10:11

Mánadagin fer svenski ríkisdagurin aftur at atkvøða, um Magdalena Andersson úr sosialdemokratiska flokkinum skal vera forsætisráðharri í landinum.

Tað sigur formaðurin í ríkisdegnum, Andreas Norlén, sambært Ritzau.

Magdalena Andersson legði mikudagin frá sær sum forsætisráðharri, bert sjey tímar eftir at hon var vald.

Tað kom av, at hin stjórnarflokkurin, Umhvørvisflokkurin, tók seg burtur úr samstarvinum. Tað gjørdi flokkurin fyri at mótmæla, at borgarliga andstøðan hevði fingið ov nógv ígjøgnum í uppskotinum um fíggjarlóg.

Nú tosar Magdalena Andersson um, at svenski Javnaðarflokkurin fer at skipa stjórn einsamallur, um hon fær undirtøku í ríkisdegnum mánadagin.
 

Er kopiera
Nýggjastu sendingar í ÚV
Sunnudag 15. juni
Kallið:"Lívið er ein ferð".
193227
Leygardag 14. juni
Morgunlestur leygardagur 14.juni 2025
192954
Fríggjadag 13. juni
Vikuskiftið 13 juni 2025
193269
Nýggjastu sendingar í SV