Løgtingið viðger uppskot um eykaskip til Suðuroyarleiðina

Eykaskipið til Suðuroyarleiðina skal viðgerast í løgtinginum í dag.

Bjarni Hammer, løgtingsmaður, hevur uppskot til samtyktar um, at løgtingið skal biðja landsstýrið gera eina verklagslóg um eykaskip til Suðuroyarleiðina.

Í fjør flutti Smyril 226.772 ferðafólk og 96.403 bilar á Suðuroyarleiðini.

Fram til oktober í ár hevur Smyril flutt 231.191 ferðafólk og 95.263 akfør. 

Nýtt metár

Talið er støðugt vaksið seinastu árini, men minkaði tó, tá korona kom.

Roknast kann við, at 2021 verður nýtt metár, sigur Bjarni Hammer.

Nógv meiri farmur er eisini nú. Hann er meira enn 50 prosent meiri nú enn í 2014, vísa tølini hjá Strandfaraskipum landsins.

Átta atkvøðugreiðslur eru á dagsskránni fyri tingfundin seinnapartin í dag.

Bjarni Hammer