Samgongan: Almennur lønarstigi gongur ímóti samráðingarrættinum

Samgongan tekur ikki undir við uppskotinum hjá Javnaðarflokkinum um almennan lønarstiga. 

Rættarnevndin hjá løgtinginum hevur skrivað álit um uppskotið.

Meirilutin, samgongumenninir í Rættarnevndini, siga, at seinasta samgonga hevði ætlan um almennan lønarstiga. 

Hon bleiv av ongum, millum annað tí, at flestu fakfeløgini ikki tóku undir við ætlanini. Tí tykist tað eitt sindur løgið, at uppskotið verður lagt fram nú, sigur meirilutin.

Gongur ímóti samráðingarrættinum

Meirilutin heldur, at arbeiðsmarknaðurin er soleiðis samansettur, at tað neyvan ber til hjá landsstýrinum at gera almennan lønarstiga, sum síðani skal vera grundarlagið undir øllum lønarsamráðingum.

Meirilutin heldur eisini, at uppskotið um almennan lønarstiga gongur beint í móti fría samráðingarrættinum. 

Minnilutin í Rættarnevndini, Javnaðarflokkurin og Tjóðveldi, sigur, at í nógv ár hava fakfeløg viljað, at arbeiðið við  almennum lønarstiga verður sett í gongd.

Málið var leingi í Rættarnevndini. Fyrsta viðgerð var 7.september.