Árni Skaale og Sólvit Nolsø í landsstýrið fyri Fólkaflokkin

Fólkaflokkurin boðar í tíðindaskrivi í kvøld frá, at flokkurin hevur valt at innstilla Árna Skaale sum landsstýrismann í fiskvinnnumálum, og Sólvit Nolsø sum landsstýrismann í almannamálum.

Teir avloysa ávikavist Jacob Vestergaard og Elsebeth Mercedis Gunnleygsdóttir.

Árni Skaale

Árni Skaale er 55 ára gamal og býr í Klaksvík.

Hann er giftur Halldis á Grønastøð og tey eiga tey trý børn.

Árni er útbúgvin framleiðsluverkfrøðingur og seinastu árini 22 árini, hevur hann verið stjóri á fyritøkuni Looknorth í Klaksvík.

Sólvit Nolsø

Sólvit Nolsø er 36 ára gamal og býr í Havn. Hann er giftur Erlu Bech Nolsø og tey eiga trý børn.

Sólvit Nolsø er stjórnmálafrøðingur og hevur seinastu árini starvast sum tíðindamaður, millum annað í Kringvarpi Føroya. 

Síðan apríl í fjør, hevur hann verið í starvi sum skrivari hjá tingbólki Fólkafloksins.