Snarkanning kann avdúka smittu eftir 45 sekundum

Granskarar í Finnlandi hava framleitt nýtt slag av snarkanning, ið vísir, um tú ert smittaður av koronu.

Snarkanningin gevur svar innan 45 sekund, eftir at tú hevur blást í eitt lítið tól, sum verður hildið í hondini.

Hesin mátin at kanna fyri koronu er CE-góðkendur, sum merkir at snarkanningarnar kunnu seljast í ES. 

Sambært Ritzau eru finsku snarkanningarnar serliga ætlaðar til koronukanningar á flogvøllum og við landamørk.