Hanus Pál Jógvansson virkandi sóknarprestur í Vesturkirkjuni

Nólsoyingurin, Hanus Pál Jógvansson, gudfrøðingur, er innstillaður til kallið sum virkandi sóknarprestur í Suðurstreymoyar vestara prestagjaldi frá 1. mai  til 31. juli.

Tað skrivar Fólkakirkjan á heimasíðuni.

Innstillingin varð gjørd á felags kirkjuráðsfundi í gjár.

Tá ið talan er um vikar, er biskupur setanarmyndugleiki.

Prestvígdur 24. apríl

Treytað av at landsstýrismaðurin í mentamálum gevur vígsluloyvi, er ætlanin at prestvíga Hanus Pál í dómkirkjuni 24. apríl kl. 16.

Undur gudstænastuni í Vesturkirkjuni sunnudagin 1. mai kl. 11 skipar dómprósturin nýggja prestin í kallið.

Fýra umsóknir vóru til starvið sum virkandi sóknarprestur í  Suðurstreymoyar vestara prestagjaldi.