Bárður samdur við Jenis: Avgerðin um radaran skal takast nú

Uttanlandsnevndin hjá løgtinginum fær næstu viku afturat at avgreiða málið um radaran á Sornfelli.

-Havi eg ikki fingið svar frá Uttanlandsnevndini til ta tíð, so taki eg avgerðina sjálvur, sigur Jenis av Rana, landsstýrismaður í uttanríkismálum:

Tá Bárður á Steig Nielsen, løgmaður, svaraði einum munnligum fyrispurningi um radaran í løgtingum fyrr í dag, gav hann greitt til kennar, at avgerðin um radaran eigur at takast nú.

Og radaramálið eigur - sambært løgmanni - ikki at tvinnast saman við onnur, møgulig ynski hjá føroyskum politikarum. 

Tað er eitt ár síðani at Uttanlandsnevndin hjá løgtinginum fyrstuferð umrøddi málið um radaran á Sornfelli. 

Meiningarnar millum politisku flokkarnar um radaran eru somikið ymiskar, at landsstýrismaðurin í uttanríkismálum, tá avtornar, kann fáa fleiri álit frá Uttanlandsnevndini, tí nevndin ikki kann semjast um eina felags støðu.