Russisk stríðsflogfør vóru ikki í føroyskum loftrúmi

28.02.2022 - 09:45
AktueltPolitikkur
Russisk stríðsflogfør vóru ikki í føroyskum loftrúmi
Morten Bødskov, verjumálaráðharri, hevur aftur svarað fyrispurningi frá Sjúrði Skaale, fólkatingsmanni
Morten Bødskov, verjumálaráðharri, sigur, at Síðani hernaðarradarin í Føroyum var sløktur, hevur eftirlitið við føroyska loftrúminum avmarkað.
Mynd: Ritzau Scanpix  
 

Russisku stríðsflogførini, sum vóru norðan fyri Skotland 2. februar, vóru ikki í føroyskum loftúmi. Tey vóru í altjóða loftrúmi. 

Morten Bødskov, verjumálaráðharri, hevur svarað Sjúrði Skaale, fólkatingsmanni, sum spurdi um tey fýra stríðsflogførini.

Fyrru ferð svaraði verjmálaráðharrin, at ongar ábendingar eru um, at flogførini vóru í føroyskum loftrúmi.

Man hann legði tó dent á, at ikki ber til at útvega neyvar radaraupplýsingar um økið, sum er tætt við Føroyar.

Morten Bødskov spurdi Forsvarskommandoen, sum spurdi bretska flogvápnið.

Vestan fyri Hetland

Sjúrður Skaale spurdi so Morten Bødskov í hvørjum loftrúmi, russisku flogførini vóru, um tey ikki vóru í tí føroyska. Flogførini vóru norðan fyri bretskt loftrúm og vestan fyri Hetland.

Hann vildi eisini hava at vita, hvussu ofta russisk stríðsflogfør hava verið í føroyskum loftrúmi seinastu tíggju árini.  

Síðani hernaðarradarin í Føroyum var sløktur, er eftirlitið við føroyska loftrúminum avmarkað.

Forsvarskommandoen veit ikki um, at russisk stríðsflogfør hava verið í føroyskum loftrúmi seinastu tíggju árini, sigur Morten Bødskov. 
 

Er kopiera
Nýggjastu sendingar í ÚV
Mánadag 6. februar
Norðurljóð 6.februar 2023
152034
Mánadag 6. februar
Jambalaja - nýútgávur
152061
Mánadag 6. februar
Røðari er gamalt orð fyri rógvara
152029
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181