Ragnar Jacobsen er nýggjur formaður í Grindamannafelagnum

Grindamannafelagið hevði aðalfundinum 2. apríl, og har nýggj nevnd varð vald.

Ólavur Sjúrðaberg, sum hevur verið formaður í Grindamannafelagnum í fleiri ár, boðaði undan aðalfundinum frá, at hann tók ikki við afturvali.

Úrslitið gjørdist, at Ragnar Jacobsen er nýggjur formaður í Grindamannafelagnum. 

Í nevndini eru:

Ragnar Jacobsen úr Miðvági, formaður.

Tóri Simonsen úr Hvannasundi, næstformaður og peningarøkil

Esmar Joensen av Hvítanesi, skrivari.

Tiltakslimir eru Bjartur Tórhalsson úr Vestmanna, Gutti Guttesen úr Bø og Regin Jespersen úr Havn.

Fleiri gjaldandi limir

Nevndin hevur sett sær fyri at fáa fleiri gjaldandi limir í felagið, og á nýggju heimasíðuni hjá felagnum, gmf.fo, ber til at skráseta seg.

Felagið heitir á allar limir - eisini gamlar, um at skráseta seg av nýggjum á heimasíðuni.

Felagið hevur eisini sett sær sum mál at fáa fleiri ung við, tá ið grind er, og kunnandi tilfari til ung um, hvussu farast skal fram, tá ið grind verður hildin til, er tøkt á heimasíðuni gmf.fo.