HB snávaði aftur - KÍ-leiðslan økist

01.05.2022 - 17:51
ÍtrótturFótbóltur
HB snávaði aftur - KÍ-leiðslan økist
HB var frammanfyri við tveimum á heimavølli ímóti 07 Vestur, men vágamenn javnaðu í yvirtíðini. KÍ vann á Víkini í gjár, og rennur undan øllum hinum
07 Vestur kom aftur frá truplari støðu í Gundadali ímóti HB
 

07 Vestur skelkaði HB, tá Høgni Egilstoft Nielsen javnaði til 2-2 í yvirtíðini og tók tvey stig frá heimaliðnum.

HB var annars frammanfyri 2-0 við máli frá Stefani Radosavljevic og einum sjálvmáli, men eftir steðgin minkaði Ronni Møller-Iversen við brotssparki, áðrenn Høgni Egilstoft Nielsen javnaði í síðstu løtu. HB skoraði til 3-2 í allarseinastu løtu, men málið varð kolldømt fyri rangstøðu.

Mótmælini frá HB-spælarunum eftir dystin vóru hørð og Teitur Gestsson fekk reyða kortið.

Í hinum dystinum í Betri-deildini í dag vann NSÍ týðandi sigur í grannauppgerðini ímóti Skála. Klæmint Andrasson Olsen, sum veruliga er komin í gongd við málskjótingina, skeyt bæði málini fyri runavíkingar, áðrenn Jan Ingason Hansen minkaði um munin til endaligu støðuna, 2-1. 

KÍ vann toppdystin

Víkingarnir royndu tað, teir kundu og bitu eisini væl frá sær, men megnaðu til endans einki at gera við KÍ, sum vann toppdystin við Djúpumýru í gjár við einum máli.

Páll Klettskarð, sum er glóðheitur í løtuni, skeyt avgerandi málið í 55. minutti. Framherjin hevur skotið 9 mál í landskappingini. 

Í gjár vann B36 eisini trygt á AB, meðan EB/Streymur knógvaði B68 við Margáir. 

Úrslit:
EB/Streymur - B68, 2-1
AB - B36, 0-3
KÍ - Víkingur, 1-0
HB - 07 Vestur, 2-2
NSÍ - Skála, 2-1



 

Er kopiera
Nýggjastu sendingar í ÚV
Mikudag 25. mai
Kvørnin: Trý føroysk stakløg
140145
Mikudag 25. mai
LEITISSTEIN 24.04.2022
140144
Mikudag 25. mai
Nón 25. mai 2022
140137
Mikudag 25. mai
Breddin - Fangi hjá Islamskum Stati
140117
Mikudag 25. mai
Góðan morgun Føroyar 25.05.22
140108
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731