Forsætisráðharrin í Sri Lanka farin frá

Forsætisráðharrin í Sri Lanka, Mahinda Rajapaksa, er farin frá eftir at fleiri mótmæli hava verið í landinum. Kreppa er í landinum, og har manglar matur, olja og nógv annað.

Nú skal ein savningarstjórn skipast, sum skal royna at bjarga landinum úr fíggjarligu kreppuni.

- Fleiri siga, at besta loysnin er at at gera eina fyribilsstjórn, har allir flokkar eru umboðaðir. Tí eri eg farin frá, sigur Mahinda Rajapaksa við Reuters.

Gotabaya Rajapaksa, bróðir Mahinda Rajapaksa, situr framvegis í sessinum sum forseti í landinum. Mótmælisfólkini vilja eisini hava hann frá.