500 fleiri løntakarar seinasta árið

Seinasta árið er talið á løntakarum vaksið 500, upp í 27.800, og tað eru umleið tvey prosent fleiri enn somu tíð í fjør.

Seinastu tvey árini hevur vøksturin í løntakaratalinum verið avmarkaður, og tá korona kom, var samfelagið sett niður í ferð. Men nú tykist talið aftur at vaksa, sigur Hagstovan.

Av teimum 27.800 løntakarunum í apríl vóru 14.200 menn og 13.600 kvinnur, 260 fleiri enn og 220 kvinnur fleiri enn sama mánað í fjør.

Gongdin í vinnugreinunum

Javnur vøkstur hevur verið í almennari og privatum tænastum, og færri løntakarar hava verið í byggivinnuni seinastu árini. Men nú visir gongdin, at løntakaratalið í byggivinnuni minkar ikki longur.

Í fiskivinnu- og tilfeingisvinnu eru sveiggini størri enn í hinum vinnugreinabólkunum, men síðani aldudalin í 2011 hevur verið ein greiður vøkstur. 

600 fleiri løntakarar eru í fiskivinnu og aðrari tilfeingisvinnu nú, ella tilsamans 4.100.